بارماقلاریمدان قان آخیر

بیر اوشاقی اؤلدورموشه م

                        گؤزلرینه باخا باخا

یازمادیغیم توم شعیرلر

                                قارالدیبدی اوره گیمی

گونده ن گونه آسیلمایی گؤزلییره م

اؤلدوردوگوم اوشاقلارین

         جزاسینی چکجیه م

و بیر داها ئؤلجیه م

سه وین تانری، سه وین دونیا ،سونوندا منده آغلادیم

گؤزیاشیمی آیریلیقا گؤزلریمدن یاراقلادیم

آجی لارا سینه گه ردیم بیر آن بئله اوزولمه زدیم

سه وینمه یه وارلیقیمی دیله گیمی یاساقلادیم

بیر یانقینین سون کؤزو تک پارلییرام

آلوولارا دامجی دامجی اوره گیمی آداخلادیم

عشقی دویونجا گؤرمه دن سوروکله ندیم آیریلیقا

قلم کیمی بو دونیانین کاغیذلاریندا چاقلادیم

تانریلارین یوخلوقونا اینانمازدیم اینان منه

دوشونجه می آتیب یئره تانریلاری آیاغلادیم

ایتیرمیشم منلیگیمی

               ئؤزکه آد وار کیملیگیمده

                     گؤزو یاشلی اوشاقلارین

                             هارایینا دویارسیزانم 

      ساتمیشام ئؤز ویجدانیمی

                      بیر یومروق ویجدانسیزا

آرازیما یاد قالمیشام

                              "آراز آراز " منه چالمیر

           اوتانمیرام اوتانمیرام

                       گؤرون کی من نه عارسیزام.

بیر شلخته شاعرم شعرلریم ایتیب باتیب

        هاردا سس سیز  هاردا یالقیز

                             سن  کی دوشورسن یادیما

                                    اوچ دؤرد سطیر سؤز یازیرام

کئشکه گؤره یدین حالیمی

                      ائله بیل کی قوجالمیشام

                                     کاغیذلاریم ایتیر باتیر

                                        سن کی دوشورسن یادیما  

                      اونودورام سؤزلریمی

bir şələxtə şairəm şeirlərim itib batıb

harda səssiz harda yalqız

sən ki düşürsən yadima

üç dörd sətir söz yazıram

keşkə göreydin halımı

elə bil ki qocalmışam

kağızlarım itir batır

sən ki düşürsən yadıma

unuduram sözlərimi

                  آما بویات

              توپلاشیب هرکس باشیما

                                       تکلیگیمده یوغولورام

خیالیمداکی سئوگیلیم تک سیرداشم

                                تک یولداشیم

                   اونودبد هکس منی ناغیللارا یازیلمیرام

                        سورگون یئریم وطنیمدیر

نه تانریا اینامیم وار

                   نه ئؤلومه

          تانری اولسا یارادمازدی منی

                            ئؤلوم اولسایدی یاشاتمازدی

قاچما مندن قاچا بیلمه ز سن اینان

        گؤزلريمي يومدوقومدا باخديقيم يردن اوزاقا

                                   گئده بيلمه زسن اينان

قورخورام گؤز آچماقدان

                           دونيانينگؤزه لليگين

                            سنسيز گؤرمه كدن قورخورام

          كئشكه كور اولسام،كئشكه ئؤلسه م

                     يومولسا گؤزلريم بير دفه ليك

گونده ايرمي دؤرد ساات ئؤلوم آرزولييرام

 قبريمينكور قارانليقي منه جنت اولسون ديه

ئؤلوم آرزولييرام تورپاقيمدان

                          نئچه گول ،نئچه آلاغ ،نئچه آغاچ چيخسين ديه.

qaçma məndən qaça bilməzsən inan

gözlərimi bağladığımda baxdığım yerdən uzağa

gedə bilməzsən inan

qorxram göz açmağdan

dünyanın gözəlliğin sənsiz görməkdən qorxuram

keşkə kor olsam keşkə ölsəm

yumlsa gözlərim bir dəfəlik

gündə irmi dörd saat ölüm arzuleyıram

qəbrimin kor qaranlığı mənə cənnət olsun diyə

ölüm arzleyıram

torpağımdan neçə gül neçə alağ neçə ağac çıxsın diyəş

 هایلی کویلو جیغان ویغان

 هر آغیزدان بیر سؤز چیخیر

                    منسه سوسوب دینله ییره م

            قارانلیقدی گؤروکمورلر

 کیمه آخی نه سؤز دییم....

qap qaranlıq bir yerdəyəm

haylı küylü cığan vığan

hər ağızdan bir söz çıxır

mənsə susub dinleyirəm

qaranlıxdı görükmürlər

kimə axı nə sşz deyim

...

پاییزی یاشاییر عمروم

               سندن آیریلالی

              بیر داها باهارا ساری گئتمه یجکدیر

   اومودسوز سارالان یاپراقلار کیمی

            ئؤلمه گی گؤزله ییره م

                   گئد گئده سویوقلاشیر عمروم

                        یازین گونشینه یتیشمه ز بیلیره م

داها نه اومیدله یاشاییم           نه اومیدله سه ویم بیرینی

نه منی سئوه ن بیری وار         نه منیم سئودیگیم بیری

من داها اونوتمامیشام سنی

               بلکه ده آدیم بئه یادوندا دگیل

 قورویان عمور دالیمین   سولان یاپراقینا

سون یاشام اومیدینه

                           کولک دییر دیه سن

دونیا یاشاماقا دیه ر دئدیله ر

        ایناندیم یاشادیم وگوردوم

                        آما سون یاپراقیم دوشنده بیلدیم

          بو دونیا ئولمه گه بئله دگمه زایمیش

payızı yaşayır ömrüm

                                                 səndən ayrılalı

           birdaha bahara sarı getməyəcəkdir

                                     umudsuz saralan yapraqlar kimi

                         ölməyə gözleuirəm

ged gedə soyuxlaşır ömrüm

yazın günəşinə yetişməz bilirəm

daha nə ümidla yaşayım             nə ümidlə sevim birini

nə məni sevən biri var               na manim sevdiyim biri

 mən daha unutmamışam səni

bəlkə də adım belə yadunda değil

quruyan ömür dalımın solan yapraqına

son yaşam ümidinə külək dəyir diyəsən

dünya yaşamğa dəyər dedilər

inandım,yaşadım və gördüm

ama son yapraqım düşəndə bildim

bu dünya ölməyə belə dəyməz`imiş   

عزیزینه م قار آلار         داغین باشین قارآلار

فلک منیم آلنیما            قارا یازی قارالار

                         ***

عزیزینه م قاراردی           گون باتدی گوی قاراردی

وعده وئریب گلمه دی       بو قارار نه قاراردی

                          *** 

عزیزیم       یاراداندی        گوز یاشیم یاراداندی 

منه اوره ک بورجلودو       سویله دیم یارا ،داندی

                           ***

من عاشیق سینا کونلوم          شوشه تک سینا کونلوم

بیرینه میل ائیله سون             سه ومه دن سینا کونلوم